د میدان وردګ ولايت محاکمو په یوه میاشت کې د (۱۷۸) دوسیو پر حل او فصل سربېره (۱۰۴) وثیقې هم اجرا کړې دي

د ميدان وردګ ولايت مرافعه محکمې، ښاري ابتدائيه محکمې او د ټولو ولسواليو ابتدائيه محاکمو په يوه مياشت کې له ( ۱/ ۶/ ۱۴۴۵هـ ق نېټې څخه ۲۸/ ۶/ ۱۴۴۵ هـ ق نېټې) پورې د (۱۷۸) دوسيو پر حل او فصل سربېره، (۱۰۴) وثيقې هم اجرا کړې دي، چې جزئيات يې په لاندې ډول دي.
په حقوقي برخه کې:
په تېره یوه میاشت کې (۱۳۷) حقوقي دوسیې محاکمو ته راجع شوې، په داسې حال کې چې مخکې هم یو شمېر دوسیې موجودې وې.
له دې جملې څخه (۲۱) دوسیې مکتوبي مستردې شوې، د (۱۰۰) دوسیو په اړه قضائي قرارونه صادر شوي، (۱۸) دوسیې فیصله شوې او پاتې دوسیې تر کار لاندې دي.
په جزائي برخه کې:
په تېره یوه میاشت کې (۳۴) جزائي دوسیې محاکمو ته راجع شوې، په داسې حال کې چې مخکې هم یو شمېر دوسیې موجودې وې.
له دې جملې څخه (۳) دوسیې مکتوبي مستردې شوې، د (۲۱) دوسیو په اړه قضائي قرارونه صادر شوي، (۱۵) دوسیې فیصله شوې او پاتې دوسیې تر کار لاندې دي.
د وثيقو برخه کې:
د ميدان وردګ ولايت محاکمو په يوه مياشت کې (۱۰۴ ) بېلا بېلې وثيقې هم اجرا کړې دي.