د کابل د مرافعه محکمې عمومي رئیس د شکردرې او قره باغ ولسوالیو له توقیف خونو لیدنه وکړه
د روان ۱۴۴۵ هـ ق کال د جمادی الاولی میاشتې په لومړۍ نېټه د کابل ولایت د مرافعه محکمې عمومي رئیس محترم مولوي عبدالشکور (رشاد آخندزاده) په مشرۍ د تجارتي دېوان مفتي مولوي صفت الله (عباس) او د مرافعه محکمې د تحریراتو عمومي مدیر عنایت الرحمن (صافي) په ګډون يوه پلاوي د شکردرې او قره باغ ولسوالیو له توقیف خونو او ابتدائیه محاکمو څخه د چارو د څارنې په موخه لیدنه وکړه.
د يادې ليدنې په پيل کې د مرافعه محکمې پلاوي له ټولو توقیف شویو کسانو سره وکتل، د یادو کسانو خبرې او ستونزې يې واورېدې، د حل په موخه یې ټولې ورسره ولیکې، وروسته د توقیف شویو کسانو موجوده ستونزې د یادو محاکمو له مسؤولینو سره شریکې شوې.
محترم مولوي عبدالشکور (رشاد آخندزاده) د یادو محاکمو مسؤولینو ته جدي هدایت وکړ چې د توقیف شویو کسانو موضوعاتو ته باید ژر تر ژره رسېدنه وکړي او وخت په وخت دې له توقیف خونو لیدنه او څارنه کوي.
