د کندهار د مرافعه محکمې د رئیس په مشرۍ د دېوانونو د رئیسانو ترمنځ غونډه ترسره شوه
د سه شنبې په ورځ (1 /1 /1445) نېټه د کندهار ولایت د مرافعه محکمې د رئیس په مشرۍ د یادې محکمې د دېوانونو د رئیسانو غونډه ترسره شوه.
په دې غونډه کې چې د قرآنکریم د مبارکو آیاتونو په تلاوت پیل شوه، د کندهار مرافعه محکمې ته په راجع شوو استهداګانو بحث وشو او د شریعت د اصولو مطابق یې په اړه تصامیم ونیول شول.
دغه راز په غونډه کې په یو لړ اداري موضوعاتو هم بحث وشو او په اړه یې لازم تصمیمونه ونیول شول.
د یادونې وړ ده چې په همدې ورځ د مرافعه محکمې د محررینو او اداري کارکوونکو ترمنځ هم جلا غونډه ترسره شوه چې د اداري اجراآتو د توحید په موخه په اندراجونو او وارده او صادره باندی عملي کار وشو.
د مدني دېوان د تحریراتو مدیر احسان الله (اماني) د ناستې ګډونوالو ته په یادو مواردو تفصیلي تشریحات ورکړل، غونډه د دعا په ویلو پای ته ورسېده.