د میدان وردګ ولايت د مرافعه محکمې رئيس د جغتو او سيدآباد ولسواليو له ابتدائيه محاکمو ليدنه وکړه
د روان ۱۴۴۵ هـ ق کال د شوال المکرم میاشتې په ۸مه او ۹مه نېټه د میدان وردګ ولايت د مرافعه محکمې رئيس محترم مولوي عبدالکريم (حقاني)، د اسنادو، وثايقو د ثبت او مخزن د امر مولوي محمد امين (اواب) او د تحريراتو د امر عبدالحنان (ابواحمد) په ملتيا د دغه ولايت د جغتو او سيدآباد ولسواليو له ابتدائيه محاکمو څخه لیدنه وکړه.
په دې ليدنه کې د مرافعه محکمې رئيس د یادو محاکمو له حقوقي، اداري او قضائي چارو څارنه وکړه.
د ليدنې په دوام د مرافعه محکمې رئيس د قضائي چارو د لا بهبود او ښه والي په موخه د يادو محاکمو قاضي صاحبانو ته لازمې سپارښتنې وکړې.
