د میدان وردګ ولایت د چک ولسوالۍ د ابتدائيه محکمې په هڅو د قتل موضوع حل شوه
د ميدان وردګ ولايت د چک ولسوالۍ د ابتدائيه محکمې د مسؤولينو په ډېرو هڅو د علماء کرامو او قومي مشرانو په منځګړيتوب په ۷/ ۳/ ۱۴۴۶ هـ ق نېټه د يوې ميرمنې د قتل له امله رامنځته شوې موضوع حل او فصل شوه.
ياده موضوع ابتدائيه محکمې ته تر راجع کېدو وروسته په غور وڅيړل شوه، ورپسې د یادې محکمې د مسؤولينو په ډېرو هڅو، علماء کرامو او قومي مشرانو په منځګړيتوب په رسمي ډول حل او فصل شوه.
د یادونې وړ ده، چې دواړو طرفونو د محکمې د هڅو ستاينه وکړه، زیاته خوښي يې څرګنده کړه، محاکمو ته يې د الله (جل جلاله) له ستر دربار څخه د لا ښه خدمت کولو د توفيق غوښتنه وکړه او د اسلامي امارت د نظام د بقاء او استقامت دعاوې يې وکړې.
