په میدان وردګ ولايت کې دوو مجرمينو ته تعزیري سزا ورکړل شوه
د ميدان وردګ ولايت حصه اول بهسود ولسوالۍ ابتدائیه محکمې د پرېکړې له مخې د يو ښځې په ګډون دوو کسانو ته د نامشروع اړيکو په جرم؛ په ۱۷/ ۶/ ۱۴۴۷ هـ ق نېټه تعزیري سزا ورکړل شوه.
ابتدائيه محکمې یاد مجرمين له يو کال څخه تر پنځلس میاشتو پر تنفيذي بند او ۲۵ـ ۲۵ دُرو پر تعزیري سزا محکوم کړي وو؛ چې یاده پرېکړه د سترې محکمې عالي مقام له تائيد وروسته پر مجرمينو تطبيق شوه.
په دې موخه جوړه شوې غونډه کې د مرافعه محکمې رئيس محترم مفتي عبدالله (فرقاني)؛ قضائي غړو او د نورو امارتي ادارو مسؤولينو ګډون کړی وو.
غونډه د تعزیري سزا له تطبيق وروسته د مرافعه محکمې رئیس لخوا د دعاء په ویلو پای ته ورسېده.
