د کابل، زابل او فاریاب ولایتونو د حقوقو ادارو په یوه میاشت کې (۵۲۰۹) دوسيو او عرضپاڼو ته رسېدنه کړې ده
د سترې محکمې د حقوقو عمومي ریاست اړوند د کابل د حقوقو ریاست، د زابل او فاریاب ولايتونو د حقوقو آمريتونو په يوه مياشت کې له (۱۹/ ۶/ ۱۴۴۶ هـ ق څخه تر ۱۹/ ۷/ ۱۴۴۶هـ ق) نېټې پورې (۵۲۰۹) دوسيو او عرضپاڼو ته رسېدنه کړې ده؛ چې جزئيات يې په لاندې ډول دي.
د عرضپاڼو په برخه کې:
د کابل د حقوقو ریاست، زابل او فاریاب ولايتونو د حقوقو آمريتونو په يوه مياشت کې د مدني، فاميلي او سوداګریزو دعواوو په برخه کې (۳۵۳۲) عرضپاڼو ته رسېدنه کړې ده.
له دې جملې څخه (۴۹۷) عرضپاڼې اصلاح او ابراء شوې، (۹۳۸) عرضپاڼې محاکمو ته لېږل شوې، (۱۳۵) عرضپاڼې نورو ادارو ته راجع شوې، (۱۹۶۲) عرضپاڼې حفظ شوې او پاتې عرضپاڼې تر اجراآتو لاندې دي.
د دوسيو په برخه کې:
د کابل حقوقو ریاست، زابل او فاریاب ولايتونو د حقوقو آمريتونو په يوه مياشت کې د مدني، فاميلي او سوداګریزو دعواوو په برخه کې (۱۶۷۷) دوسيو ته رسېدنه کړې ده.
له دې جملې څخه (۱۳۱) دوسيې تطبيق شوې، (۴۷۴) دوسيې محاکمو ته لېږل شوې، (۴۵۲) دوسيې نورو ادارو ته راجع شوې، (۶۲۰) دوسيې حفظ شوې او پاتې دوسيې تر اجراآتو لاندې دي.
