د لغمان ولایت د مرافعه محکمې رئيس په مشرۍ غونډه وشوه
د لغمان ولایت مرافعه محکمې د رئيس الحاج شیخ سخيالرحمن(فایز فیروز کوهي) په مشرۍ، د مرافعه او ښاري ابتدائيه محاکمو د دېوانونو رئیسانو په ګډون، په ۲۲/ ۱/ ۱۴۴۸هـ ق نېته غونډه وشوه.
غونډه د قرآنکريم د څو مبارکو آیاتونو په تلاوت پیل شوه؛ ورپسې د مرافعه محکمې رئیس ګډونوالو ته ښه راغلاست ووايه او د غونډې د اهمیت په اړه يې خبرې وکړې.
دغه راز په دې غونډه کې د بانکي موضوعاتو، وثایقو او مخزن آمریت د استهداوو، د ۱۴۴۷هـ ق کال د ۳۹ متحدالمآل او د بندیانو په اړه بحث وشو او په اړه يې ګډونوالو ته لازم هدايات ورکړل شول.
د غونډې په دوام ګډونوالو خپل نظرونه اواړتیاوې شريک کړل او د مرافعه محکمې رئيس لهخوا د اړتیاوو د پوره کولو ډاډ ورکړل شو.
غونډه د دعاء په ویلو پای ته ورسېده.
