د زابل ولایت د ښاري ابتدائيه محکمې لخوا عريضه ليکوونکو ته يو ورځنی سیمينار جوړ شو
د زابل ولایت د ښاري ابتدائيه محکمې محترم رئيس مولوي فضل الرحمن (فضلي) په مشرۍ د یاد ولایت د مرکز عريضه ليکوونکو ته په ۹ /۶ /۱۴۴۶ هـ ق نېټه يو ورځنی سيمينار جوړ شو.
په دې سيمينار کې عريضه ليکوونکو ته د محاکمو د اصولو سره سم د عريضې ليکلو په اړه پوره لارښوونې وشوې، تر څو د عريضې د ليکلو په برخه کې يې شته ستونزې حل شي.
دغه راز ګډونوالو هم له یاد سیمينار څخه خوښي څرګنده کړه او وويل، چې په داسې سيمينارونو سره به زموږ د عريضې ليکلو برخه کې ټولې ستونزې حل شي او د سمې عريضې ليکلو له لارې به خپل ولس ته ښه خدمت وکړو.
یاد يو ورځنی سيمينار د دعاء په لوستلو پای ته ورسېد.
