د ننګرهار ولايت د بټيکوټ ولسوالۍ ابتدائیه محکمې مسؤولينو په هڅو د قتل موضوع حل شوه
د ننګرهار ولايت د بټيکوټ ولسوالۍ ابتدائیه محکمې مسؤولینو په ډېرو هڅو؛ په ۸/ ۱۱/ ۱۴۴۷ هـ ق نېټه د کورنۍ شخړې له امله يو کال مخکې رامنځته شوې د قتل موضوع؛ حل او فصل شوه.
یاده موضوع ابتدائیه محکمې ته تر راجع کېدو وروسته په غور او دقت وڅېړل شوه؛ دواړه طرفونه سولې ته وهڅول شول، دوی هم ومنله او موضوع يې رسماً پای ته ورسېده.
د یادونې وړ ده، چې یادې ابتدائیه محکمې له دې مخکې هم درې د قتل موضوعات «دوه شل کلن موضوعات او يوه لس کلنه موضوع» د سولې له لارې حل کړي دي.
