د لوګر ولايت د مرافعه محکمې رئيس په مشرۍ اداري غونډه وشوه
د لوګر ولایت د مرافعه محکمې رئیس الحاج شیخ محمد ګلاب (فاروقي) په مشرۍ؛ د ښاري ابتدائیه محکمې رئيس، د مرافعه او ښاري ابتدائیه محاکمو د دېوانونو رئيسانو، د اختصاصي محکمې رئیس، د وثایقو او تحریراتو آمرینو په ګډون په ۱۰/ ۴/ ۱۴۴۸هـ ق نېټه اداري غونډه وشوه.
غونډه د ښاري ابتدائیه محکمې د جزا دېوان رئیس مولوي حفیظ الله (نافع) لهخوا د قرآنکریم د څو مبارکو آیاتونو په تلاوت پیل شوه؛ ورپسې د مرافعه محکمې رئيس له ګډونوالو سره د ناستې اجنډا شريکه کړه او ګډونوالو د اصولو په رڼا کې خپل نظرونه وړاندې کړل.
د غونډې په دوام ټاکل شوي موضوعات له بحث وروسته نهايي او په اړه يې لازمې پرېکړې وشوې او ګډونوالو ته د یادو پرېکړو د عملي کولو په اړه لازم هدايت وشو.
غونډه د ښاري ابتدائیه محکمې د رئيس لهخوا د دعاء په ویلو پای ته ورسېده.
