کندهار کې یوه قضائي پلاوي د دغه ولایت له ټولو زندانونو څخه لیدنه پيل کړه

m_admin
دوشنبه ۱۴۰۱/۹/۷ - ۱۳:۳۴
کندهار کې یوه قضائي پلاوي د دغه ولایت له ټولو زندانونو څخه لیدنه پيل کړه

دعالیقدر امیرالمؤمنین شیخ صاحب حفظه الله د هدایت او لارښوونې په اساس یوه قضائي پلاوي د یاد ولایت د استیناف محکمې د عامه امنیت دېوان د رئیس مولوي محمد نبي حماس په مشرۍ ۱۰ کسیزه با صلاحیه قضائي پلاوی د کندهار په مرکزي زندان او د ټولو ولسوالیو په زندانونو کې د ټولو جنایي او حقوقي زندانیانو د دوسیو څېړنه پیل کړه.

د یاد قضائي پلاوي مشر محترم مولوي محمد نبي حماس د یادي څېړنې پر مهال وویل، دوی د ټولو جنایي او حقوقي زندانیانو څخه چې نارینه، ښځینه او کوچنیان په کې شامل دي، د ځانګړي طرزالعمل مطابق له زندانیانو د دوی جرمونو، دوسیو او اړوند ادارو ته د راجع  کېدو او نه راجع کېدو په اړه هر اړخیز معلومات اخلي.

د محترم مولوي حماس په خبره،  د دوی د یادې څېړنې په پای کې به هغه زندانیان چې وخت یې پوره وي ازاد شي، که یې دوسیې پر ټاکلي وخت نه وي څېړل شوې، نو اړوند ادارو ته به یې دوسیې راجع کیږي، ترڅو یې ژر تر ژره د دوسیو څېړنه وشي.

د قضائي پلاوي مشر محترم مولوي محمد نبي حماس زیاته کړه، د کندهار مرکزي زندان څخه وروسته به دغه پلاوی د یاد ولایت د ټولو ولسوالیو د زندانونو څېړنه او لیدنه ترسره کړي.

د کندهار د مرکزي زندان رئیس محترم ملا نعمت الله سراجي وویل، د کندهار په مرکزي زندان کې شاوخوا 700 جنایي اوحقوقي زندانیان موجود دي، او هره ورځ له ۲۰ تر ۳۰ د حقوقي او جنایي زندانیانو دوسیې اړوندو ادارو ته استول کیږي.

محترم ملا نعمت الله سراجي زیاته کړه ، د دغه پلاوي په ټاکل کېدو سره به دا پروسه لا چټکه شي.

د کندهار مرکزي زندان بندیانو له یاد قضائي پلاوي څخه مننه وکړه چې د دوی د دوسیو څېړنه کوي، د دوی ستونزو او غوښتنو ته رسېدنه کوي او له مسؤولینو څخه یې غوښتنه وکړه چې له دغه مرکزي زندانه دې وخت پر وخت لیدنه کوي.

تازه خبرونه

چهارشنبه ۱۴۰۲/۱۲/۲ - ۱۱:۳۴
Background image

د ننګرهار د مرافعه محکمې رئيس د ياد ولايت د زندانونو چارو د سمون رياست او توقيف خونو څخه ليدنه وکړه

په ۱ /۸ /۱۴۴۵ هـ ق نېټه د ننګرهار د مرافعه محکمې رئیس محترم مولوي عبدالشکور (رشاد آخندزاده)، د ښاري محکمې رئیس مولوي امان الله (الحقاني) او د ښاري محکمې د امنیت عامه دېوان رئیس قاري. . .

چهارشنبه ۱۴۰۲/۱۲/۲ - ۱۱:۲۶
Background image

د پکتیا د مرافعه محکمې عمومي رئيس د پکتیا زون له نظامي محکمې څخه لیدنه وکړه

 د روان ۱۴۴۵ هـ ق کال د شعبان المعظم میاشتې په ۲مه نېټه د پکتیا ولایت د مرافعه محکمې عمومي رئيس الحاج مفتي عبیدالله (خالد) او ورسره مل پلاوي د پکتیا زون له نظامي محکمې څخه لیدنه وکړه.
د. . .

سه‌شنبه ۱۴۰۲/۱۲/۱ - ۱۱:۲۶
Background image

د کابل ولایت د استالف او پغمان ولسوالیو ابتدائیه محاکمو ته نوي رئیسان معرفي شول

د ۱۴۴۵ هـ ق کال د شعبان المعظم میاشتې په ۶مه نېټه د کابل ولایت د استالف ولسوالۍ ابتدائیه محکمې نوی رئیس محترم مولوي عبدالغفور (امین) او د پغمان ولسوالۍ د ابتدائیه محکمې نوی رئیس محترم. . .

بیا په خبرونو کی