له نشه يي توکو سره د مبارزې د ابتدائیه محکمې نوى رييس معرفي او رسماً یې دنده پیل کړه

m_admin
شنبه ۱۴۰۱/۸/۱۴ - ۱۴:۲۴
له نشه يي توکو سره د مبارزې د ابتدائیه محکمې نوى رييس معرفي او رسماً یې دنده پیل کړه

د نشه يي توکو پر وړاندې د مبارزې د ابتدائیه محکمې نوی رئیس محترم شیخ مولوي عالم جان (عبدالله) په یوه غونډه کې چې د یادې محکمې یو شمېر مسؤولینو هم په کې ګډون درلود معرفي او رسماَ یې دنده پیل کړه.

یاده غونډه د قرانکریم د څو مبارکو آیاتونو په تلاوت پیل شوه؛ ورپسې د ابتدایه محکمې مخکني رئیس شیخ مفتي محمد خان صاحب نوي ټاکل شوي رئیس ته مبارکي وکړه وویل، موږ ټول د الهي نظام ټینګښت غواړو، نن الحمدلله زموږ نظام اسلامي دی، له الله تعالی څخه په ټولو څانګو، په ځانګړې توګه عدلي او قضائي چارو کې توفیق غواړو.

وروسته د نشه يي توکو سره د مبارزې معینیت د سروې او تحلیل رئیس مفتي مولوي عبدالحق (مطیع) خبرې وکړې، د نشه يي توکو پر وړاندې د مبارزې د عدلي او قضائي مرکز له نوي ټاکل شوي رئیس او نورو څانګو سره یې د معینیت له طرفه د هر ډول اصولي همکارۍ ژمنه وکړه.

بلخوا د ابتدائیه محکمې نوي رئیس محترم شیخ مولوي عالم جان (عبدالله) غونډې ته په خپله وینا کې وویل، تر راشدینو خلفاوو، د اموي او عباسي حکومتونو او یو شمېر نورو حکومتونو وروسته اوس خدای تعالی یو ځل بیا اسلامي حکومت حاکم کړی دی، موږ باید په اتحاد سره د نظام د بقاء او خدمت لپاره یو بل ته د همکارۍ لاسونه ورکړو.

محترم شیخ مولوي عالم جان (عبدالله) زیاته کړه، عدالت د نظام مخ دی، موږ هر څوک د هغه د مخ په اساس پېژنو، نو راځئ هڅه وکړو چې خپل چلند د اسلامي عدل او افکارو پر بنسټ جوړ کړو، ترڅو ټول خلک د اسلامي امارت په څېره کې راښکاره شي او د الله (جل جلاله) رضا ترلاسه شي.

تازه خبرونه

سه‌شنبه ۱۴۰۱/۹/۸ - ۱۵:۱۵
Background image

د میدان وردګ ولایت د استیناف محکمې رئیس د دغه ولایت له مرکزي زندان څخه لیدنه وکړه

د میدان وردګ ولایت د استیناف محکمې د رئيس محترم مولوي عبدالکریم «حقاني» په مشرۍ د دغه ریاست یوه پلاوي د یاد ولایت له مرکزي زندان څخه لیدنه وکړه.

د استیناف محکمې رئیس او ورسره مل پلاوي. . .

دوشنبه ۱۴۰۱/۹/۷ - ۱۵:۱۱
Background image

له ۱۴۴۴/۴/۱۲ څخه تر۱۴۴۴/۴/۲۵ نېټې د تقنیني سندونو او د محاکمو د فیصلو په برخه کې د تدقیق او مطالعاتو عمومي ریاست د اجراآتو لنډ راپور

  1. د سترې محکمې د دېوانونو او مرکزي ریاستونو لپاره طرزالعملونه او مقررې ترتیب شوې دي چې عبارت دي له (د جزا دېوان د اجراآتو او فعالیتونو مقرره،  د مدني دېوان د اجراآتو او فعالیتونو مقرره،. . .
دوشنبه ۱۴۰۱/۹/۷ - ۱۳:۳۴
Background image

کندهار کې یوه قضائي پلاوي د دغه ولایت له ټولو زندانونو څخه لیدنه پيل کړه

دعالیقدر امیرالمؤمنین شیخ صاحب حفظه الله د هدایت او لارښوونې په اساس یوه قضائي پلاوي د یاد ولایت د استیناف محکمې د عامه امنیت دېوان د رئیس مولوي محمد نبي حماس په مشرۍ ۱۰ کسیزه با صلاحیه. . .

بیا په خبرونو کی