د کندهار ولايت جنوب لوېديځ زون د تميز عالي مقام رياست کې سيمينار تر سره شو
د ١٤٤٥ هـ ق کال د ربيع الاول د مياشتې په ١٩ مه نېټه د کندهار ولايت جنوب لویدیځ زون د تمیز عالي مقام ریاست کې د امیرالمؤمنین شیخ الحدیث والتفسیر (هبة الله اخندزاده حفظه الله) د فرمان او د جنوب لویدیځ زون د تمیز عالي مقام د محترم رئیس شیخ الحدیث والتفسیر سردارمحمد (ابوالفیضان) په سپارښتنه د جنوب لویدیځ زون اړونده محاکمو د نوي قضائي پرسونل، د قضائي معاونیت محاکمو د قضاتو، مفتیانو او محررینو لپاره سیمینار تر سره شو.
د ياد سيمينار موخه د قضائي او اداري موضوعاتو تشرېح، د يادو محاکمو په چارو کې لا ښه انسجام او همغږي رامنځته کول وو.
په ياد سيمينار کې د کندهار ولايت د جنوب لوېديځ زون اړوند محاکمو نوي مقرر شويو قضاتو، مفتيانو، محررينو او د ياد زون د قضائي معاونيت محاکمو قضاتو، مفتيانو او محررينو ګډون درلوده.
په ياد سيمينار کې د عريضې، جلب پاڼې، صورت دعوى، دفع دعوى او فيصلې په اړه راغلو ګډونوالو ته عملي او نظري درسونه ورکړل شول او په دې برخه کې د تکړه علماوو يو کمېټه هم رامنځته شوه. ياد سمينار د ١٤٤٥ هـ ق کال د ربيع الاول په ٣٠مه نېټه د يوې لويې غونډې په ترڅ کې چې د جنوب لوېدیځ زون د تمییزعالي مقام محترم رئيس د قضاء، افتاء، قضاتو او مفتيانو د دندو اړوند وينا سره ياد سيمينار په برياليتوب پاى ته ورسېد.
