د پکتیا ولایت د استیناف محکمه کې اداري ناسته ترسره شوه

m_admin
یکشنبه ۱۴۰۱/۸/۲۹ - ۱۱:۵۷
د پکتیا ولایت د استیناف محکمه کې اداري ناسته ترسره شوه

د پکتیا ولایت د مرافعه محکمې په ریاست مقام کې د دې محکمې د رئیس الحاج مفتي عبیدالله خالد په مشرۍ اداري ناسته ترسره شوه.

په دې ناسته کې د مرافعه محکمې د دېوانونو قضائي غړو، د پکتیا ولایت ښاري ابتدائیه محکمې رئیس او قضائي غړو او د مرافعه محکمې د ثبت اسناد و ثایق او مخزن آمر او قضائي غړو ګډون درلود.

غونډه د مولوي صمیم الله (انس) لخوا د قرانکریم په مبارکو آیاتونو پیل شوه؛ ورپسې د مرافعه محکمې رئیس خبرې وکړې، د غونډې ټولو ګډونوالو ته یې ښه راغلاست ووایه.

نوموړي په خپلو خبرو کې وویل، خپلې ورځنۍ قضائي چارې په اخلاص او صداقت ترسره کړئ، له کبر او غرور څخه ځانونه وساتئ او د سترې محکمې عالي مقام د هدایت سره سم د خپلو مشرانو په اطاعت سره خپلو چارو ته په خپل وخت رسېدنه وکړئ.

مفتي خالد وویل، له خلکو او ولسونو سره نېکه رویه وکړئ، هره دوسیه چې نوې محکمې دېوان ته واردیږي په دقیق ډول یې وګورئ، که چېرې ستاسو محکمې دېوان پورې اړه درلوده د دوه ورځو په موده کې یې اړوند مرجع ته مکتوبا مسترد کړئ؛ ترڅو خلک له ستونزو سره لاس او ګرېوان نه شي.

د محبوسینو په اړه یې ټینکار وکړ چې په اونۍ کې یوځل له محبوسینو نه لیدنه وکړئ او د محبوسینو شته ستونزو ته رسېدنه وکړئ.

دغه راز د توقیف خانو او نظارت خونو په اړه یې قضاتو ته سپارښتنې وکړې چې د توقیف خانو او نظارت خانو څارنه وکړئ چې بېګناه ولس تهدید او تر بند لاندې نه وي او په پای کې د محاکمو د اسرار په اړه وغږېده او زیاته یې کړه چې محاکمو ته بېلا بېل موضوعات محول کېږي باید په ټولنه کې د خلکو او ولسونو راز افشا نه شي او پټ پاتې شي.

په پای کې د قضاتو په استازیتوب د پکتیا ولایت ښاري ابتدائیه محکمې رئیس مولوي کلیم الله (قانت حقاني) خبرې وکړې او د قضاتو په استازیتوب یې د مرافعه محکمې له رئیس نه مننه وکړه او خوښي یې وښوده.

ناسته د دعا په ویلو سره پای ته ورسېده.

تازه خبرونه

سه‌شنبه ۱۴۰۱/۹/۸ - ۱۵:۱۵
Background image

د میدان وردګ ولایت د استیناف محکمې رئیس د دغه ولایت له مرکزي زندان څخه لیدنه وکړه

د میدان وردګ ولایت د استیناف محکمې د رئيس محترم مولوي عبدالکریم «حقاني» په مشرۍ د دغه ریاست یوه پلاوي د یاد ولایت له مرکزي زندان څخه لیدنه وکړه.

د استیناف محکمې رئیس او ورسره مل پلاوي. . .

دوشنبه ۱۴۰۱/۹/۷ - ۱۵:۱۱
Background image

له ۱۴۴۴/۴/۱۲ څخه تر۱۴۴۴/۴/۲۵ نېټې د تقنیني سندونو او د محاکمو د فیصلو په برخه کې د تدقیق او مطالعاتو عمومي ریاست د اجراآتو لنډ راپور

  1. د سترې محکمې د دېوانونو او مرکزي ریاستونو لپاره طرزالعملونه او مقررې ترتیب شوې دي چې عبارت دي له (د جزا دېوان د اجراآتو او فعالیتونو مقرره،  د مدني دېوان د اجراآتو او فعالیتونو مقرره،. . .
دوشنبه ۱۴۰۱/۹/۷ - ۱۳:۳۴
Background image

کندهار کې یوه قضائي پلاوي د دغه ولایت له ټولو زندانونو څخه لیدنه پيل کړه

دعالیقدر امیرالمؤمنین شیخ صاحب حفظه الله د هدایت او لارښوونې په اساس یوه قضائي پلاوي د یاد ولایت د استیناف محکمې د عامه امنیت دېوان د رئیس مولوي محمد نبي حماس په مشرۍ ۱۰ کسیزه با صلاحیه. . .

بیا په خبرونو کی