د پکتيکا ولايت د استيناف محکمې رئیس د مټاخان ولسوالۍ له ابتدائيه محکمې څخه ليدنه وکړه
د پکتيکا ولايت د استيناف محکمې یوه پلاوي د روان ۱۴۴۴ هـ ق کال د جمادي الثاني میاشتې په ۲۴مه نېټه له ماتحت محاکمو څخه د ليدنې په دوام دا ځل د یاد ولايت د مټاخان ولسوالۍ له ابتدائیه محکمې څخه ليدنه او کتنه وکړه.
د استيناف محکمې د عمومي رئیس مفتي امان الله(منقاد) په مشرۍ دغه پلاوي چې د استيناف محکمې د عامه امنیت دېوان رئیس مولوي محمد (مختاري)، د استيناف محکمې د جزاء دېوان مفتي مولوي عبدالمنان (محق)، د استيناف د وثایقو امر مولوي حامد یې غړیتوب درلود، د دغه سفر پر مهال د محکمې له رئیس، عضو مفتي او عضو محرر سره وليدل.
ورپسې یې د محکمې د حاضرۍ کتاب، د اندراج کتاب، د صادرې او واردې دفتر او د وثایقو پر کتلو سربېره يوه نسخه د فيصلې هم مطالعه کړ.
یاد پلاوي د محاکمو د حاضريو کتابونو، د وثایقو کتابونو، اندراج کتابونو، صادرې او واردې د دفتر له کتلو وروسته يوه نسخه د فيصلو هم مطالعه کړه، دغه راز يې د محاکمو مسؤولینو ته د اړوند چارو د ښه ترسره کولو، د مشرتابه مقام او د سترې محکمې د فرمانونو د تطبيق په اړه لازم هدايات وکړل.
پر دې سربېره د مټاخان ولسوالۍ د ابتدائیه محکمې مسؤولینو او منسوبینو ځينې مهم مسایل او موارد له پلاوي سره شریک کړل چې الحمدلله تر ډېره بريده د دوی ستونزو ته حللارې پيدا شوې.
