د هلمند ولایت د مرافعه محکمې عمومي رئیس د دغه ولایت له مرکزي محبس څخه لیدنه وکړه
د عالیقدر امیرالمؤمنین (حفظه الله ) د ځانګړي هدایت په اساس او د شریعت مقدس د اصولو د تعمیل په موجب نن دوشنبه(۱۴۴۴/۱۱/۲هـ ق نېټه) د هلمند ولایت د مرافعه محکمې رئیس محترم مولوي محمد نبي (حماس) او ورسره ګډ هیئت، د مرافعه محکمې د عامه امنیت دېوان رئیس، د دېوان جزا عضو محرر، د تحریراتو عمومي امر او اجرائیه مدیر، د هلمند ولایت له مرکزي محبس، د ښځینه محبس او د اطفالو ( دارالتأدیب ) څخه لیدنه وکړه .
په یاده لیدنه کې د حقوقي او جزائي بندیانو مجموعه، چي (۲۱۳ ) تنه نارینه، ښځینه او اطفالو شامل وه، د هر یوه څخه په جلا/جلا توګه پوښتنې وشوې او ټولې ستونزې یې واورېدل شوې.
یاد ګډ هیئت هغه حقوقي او جزائي بندیان، چي بې سرنویشته معلومېدل او یا یې د موضوعاتو په حل او فصل کي ځنډ راغلی وو لیست شوه، د ستونزو د حل او د ځنډ د لامل د څرګندولو لپاره یې موضوعات خپل اړوند مراجعو سره شریک کړه.
د عالیقدر امیر المؤمنین (حفظه الله ) د قضائي هیئت لپاره د جوړ شوي طرز العمل سره سم به هغه بندیان چې بې سرنویشته دي خوشي شي.
او یاده پروسه به د ګډ پلاوي په همکارۍ په ټولو ولسوالیو، ابتدائیه محاکمو او مربوطه محبسونو کې جریان ولري.