د میدان وردګ ولایت محاکمو په تېره یوه میاشت کې د ۱۴۷ دوسیو پر حل او فصل سربېره ۱۳۸ وثایق هم اجراء کړي دي

له ۱ /۶ /۱۴۴۴ څخه تر ۳۰ /۶ /۱۴۴۴ هـ ق نېټې د میدان وردګ ولایت د محاکمو د دوسیو او وثایقو توحیدي راپور

په دغه راپور کې د میدان وردګ ولایت د مرافعه محکمې، د ښاري ابتدائیه محکمې او ولسوالیو د ابتدائیه محاکمو د تېرې یوې میاشتې حقوقي، جزائي او تجارتي اجراآت شامل دي.

په حقوقي برخه کې:

په تېره یوه میاشت کې د میدان وردګ ولایت محاکمو ته (۱۱۷) حقوقي دوسیې راجع  شوې دي، په داسې حال  کې چې مخکې هم یو شمېر دوسیې موجودې وې.

له دې جملې څخه ( ۵۴) دوسیې مکتوبي اجراء شوې، (۳۰) دوسیې قضائي قرار ، ( ۱۷) دوسیې فیصله شوې دي او پاتې نورې ترکار لاندې دي.

په جزائي برخه کې:

په تېره یوه میاشت کې د میدان وردګ ولایت محاکمو ته (۱۹)جزائي دوسیې راجع شوې دي؛ په داسې حال کې چې مخکې هم یو شمېر دوسیې موجودې وې.

له دې جملې څخه (۲۰‎) دوسیې مکتوبي اجراء شوې، (۱۳) دوسیې قضائي قرار، (۱۲) دوسیې فیصله شوې دي او پاتې دوسیې تر کار لاندې دي.

په تجارتي برخه کې:

په تېره یوه میاشت کې (۴) حقوقي دوسیې محاکمو ته راجع شوې دي، په داسې حال کې چې مخکې په دې برخه کې کومه دوسیه نه وه موجوده.

له دې جملې څخه (۱) دوسیه قضائي قرار او (۳) دوسیې تر کار لاندې دي.

دغه راز په یاده موده کې(۱۳۸) بېلا بېل وثایق اجراء شوي چې د افغانستان اسلامي امارت د عالیقدر امیرالمؤمنین حفظه الله د فرمان په اساس یې قېمت نه دی اخیستل شوی.