د سترې محکمې اداري معاون د یوناما د حاکمیت قانون د څانګې له رئیس سره وکتل

m_admin
شنبه ۱۴۰۱/۷/۲۳ - ۱۳:۲۸
د سترې محکمې اداري معاون د یوناما د حاکمیت قانون د څانګې له رئیس سره وکتل

د افغانستان اسلامي امارت د سترې محکمې اداري معاون محترم شیخ عبدالمالک (حقاني) حفظه الله د یوناما د حاکمیت قانون د څانګی له رئیس دوکتور سامویل اوپوکو، د یوناما د قضائي چارو له مشاورینو (نظراحمدشاه او بلال مومند) سره په خپل کاري دفتر کې وکتل.

په دې لیدنه کې چې د سترې محکمې د اداري معاون سربېره په کې د سترې محکمې د درالانشاء عمومي رئیس محترم مفتي عبدالرشید (سعید)، د سترې محکمې مالي او اداري عمومي رئیس محترم مولوي کریم الله (زاهد) او د سترې محکمې د بهرنیو، عامه اړیکو او مطبوعاتو سرپرست رئیس محترم مولوي عبدالرحیم (راشد) هم ګډون درلود د دواړو لوریو تر منځ په حقوقي موضوعاتو تفصیلي خبرې وشوې.

د سترې محکمې اداري معاون په دې لیدنه کې واضح کړه، دا چې په تېرو شاوخوا ۴۰ کلونو کې زموږ هیوادوال له ډېرو ستونزو سره مخ وه، نو زموږ هڅه داده چې په بشپړ شفاف او عادلانه ډول خلکو ته عدلي او قضائي خدمات وړاندې کړو.

محترم شیخ عبدالمالک (حقاني) حفظه الله وویل، د افغانستان په ټولو ولایتونو او ولسوالیو کې محاکم فعال دي، د اسلامي شریعت او حفني فقهې په رڼا کې فیصلې کوي.

د یوناما د حاکمیت قانون د څانګې رئیس دکتور سامویل اوپوکو په دې لیدنه کې د سترې محکمې اداري معاون ته د یوناما د فعالیت او تګلارې په اړه معلومات ورکړل وویل، ملګري ملتونه د شریعت خلاف نه دي، یوناما د خپلې تګلارې د افغانستان ټولو ولایتونو ته ځي او د خلکو مشکلات ګوري.

دوکتور سامویل وویل، موږ غواړو ځینو ولایتونو کې په وړیا ډول خلکو ته د مدافع وکیلانو برخه کې همکاري وکړو او دوی ته د وړیا دفاع وکیلانو خدمات وړاندې کړو.

د سترې محکمې اداري معاون محترم شیخ عبدالمالک (حقاني) په دې اړه وویل، د اسلامي امارت د مشرتابه د هدایت په اساس موږ له هر هغه چا سره بشپړه همکاري کوو چې ولسي خلکو ته عامه خدمات وړاندې کوي، د مدافع وکیلانو اړوند طرزالعمل نهايي او د مشرتابه عالي مقام ته د تائیدۍ لپاره وړاندې شویِ؛ په دې اساس د یاد طرزالعمل تر تائیدۍ مخکې په دې برخه کې فعالیت نشي کېدای.

د سترې محکمې اداري معاون پر ځینو نورو مواردو له خبرو وروسته وویل، موږ د اسلامي امارت د مقرراتو او اصولو مطابق هر ډول همکارۍ ته تیار یو.

تازه خبرونه

یکشنبه ۱۴۰۱/۱۱/۹ - ۱۴:۰
Background image

د میدان وردګ ولایت محاکمو په تېره یوه میاشت کې د ۱۴۷ دوسیو پر حل او فصل سربېره ۱۳۸ وثایق هم اجراء کړي دي

له ۱ /۶ /۱۴۴۴ څخه تر ۳۰ /۶ /۱۴۴۴ هـ ق نېټې د میدان وردګ ولایت د محاکمو د دوسیو او وثایقو توحیدي راپور

په دغه راپور کې د میدان وردګ ولایت د مرافعه محکمې، د ښاري ابتدائیه محکمې او. . .

یکشنبه ۱۴۰۱/۱۱/۹ - ۱۱:۱۴
Background image

د پکتيکا ولايت د استيناف محکمې رئیس له څلورو ابتدائیه  محاکموڅخه ليدنه وکړه

د پکتيکا ولايت د استيناف محکمې د رئیس په مشرۍ یوه پلاوي له ماتحت محاکمو څخه د ليدنو په دوام داځل په ۶ /۷ ۱۴۴۴ هـ ق نېټه د یاد ولايت د يوسف خيلو، جانخیلو، يحي خيلو او خيرکوټ ولسواليو له . . .

یکشنبه ۱۴۰۱/۱۱/۹ - ۱۱:۷
Background image

سترې محکمې ته د عدلیې وزارت اړوند د مرکزي حقوقو ریاست د انتقال لړۍ پیل شوه

 پرون د شنبې په ورځ  (د روان هجري قمري کال د رجب المرجب میاشتې ۶مه نېټه) سترې محکمې ته د عدلیې وزارت اړوند حقوقو ریاست د انتقال په اړه د افغانستان اسلامي امارت د مشرتابه محترم مقام د ۴. . .

بیا په خبرونو کی