محترم مولوي حمدالله د کابل ولایت د مخدره توکو او مسکراتو څخه د مخنیوي ابتدائیه محکمې د سرپرست رئیس په توګه معرفي شو

د کابل ولایت د نشه‌یي توکو او مسکراتو څخه د مخنیوی ابتدائیه محکمې نوی سرپرست رئیس محترم مولوي حمدالله  په ۲۰/ ۷/ ۱۴۴۶ هـ ق نېټه د یوې غونډې په ترڅ کې د یادې محکمې قضائي غړو او اداري کارکوونکو ته معرفي او رسماً یې دنده پیل کړه.
په دې موخه جوړه شوې غونډه کې د یادې محکمې مخکني رئیس محترم مولوي روح الله (حبیبي)، د (با) دېوان رئیس مولوي عبدالله (عابد)، د (ج) دېوان رئیس مولوي عبیدالله (عبیدي)، د یادې محکمې قضائي غړو، اداري کارکوونکو، علماء کرامو، د توقیف خونې مسؤولینو او د تدقیق او پلټنې مسؤولینو ګډون درلود.
 غونډه د قرآنکریم د څو مبارکو آیاتونو په تلاوت پیل شوه؛ ورپسې د نشه يي توکو او مسکراتو څخه د مخنیوي ابتدائیه محکمې سرپرست محترم مولوي حمدالله، د محترم مولوي روح الله (حبیبي) لخوا ګډونوالو ته ور معرفي شو.
د غونډې په دوام محترم مولوي حبیبي وویل، مولوي حمدالله تر دې دمه د کابل ښاري ابتدائیه محکمې څلورم زون جزا دېوان د رئیس په توګه دنده ترسره کوله، له دې وروسته به په دې ابتدائيه محکمه کې د سرپرست رئیس په توګه خدمت کوي، د الله تعالی له دربار څخه ورته په چارو کې د بریالیتوب غوښتونکي یو.
غونډه د دعا په ویلو پای ته ورسېده.