د کابل ولايت مرافعه محکمې رئیس د یاد ولایت د نشهیي توکو او مسکراتو څخه د مخنیوي او پنځو ولسوالیو له ابتدائیه محاکمو څخه لیدنه وکړه
د کابل ولایت مرافعه محکمې عمومي رئیس الحاج مفتي ذبېحالله (ساجد) د مطبوعاتو د مدیر په ملتیا، د روان ۱۴۴۷هـ ق کال د شعبان المعظم میاشتې په ۱۲، ۱۴ او ۱۶مه نېټه د کابل ولايت د نشهيي توکو او مسکراتو څخه د مخنیوي ابتدائیه، د ده سبز، خاکجبار، بګرامي، موسهي او چهارآسیاب ولسوالیو له ابتدائیه محاکمو څخه لیدنه وکړه.
د مرافعه محکمې رئيس په دې لیدنو کې د محاکمو قضائي چارې، استفتاوې، فتواوې، قضائي حکمونه، د وثیقو د ثبت بهیر، اداري اسناد، اندراج، وارده، صادره او د رسیداتو کتابونه وکتل او د اجراآتو د ښهوالي په موخه یې مسؤولینو ته لازمې لارښوونې وکړې.
محترم الحاج مفتي ذبېحالله (ساجد) د محاکمو مسؤولینو ته هدایت وکړ، چې د نشهيي توکو او مسکراتو څخه د مخنیوي ابتدائیه محکمې رئیس دې وخت پر وخت د نظارتخانې څخه لیدنه کوي؛ د محاکمو او حقوقو مدیریتونو کارکوونکي دې د مراجعینو کارونه له ځنډ پرته خلاص کړي او له مراجعینو سره دې ښه رویه کوي، خپلو دندو ته دې په وخت راځي او د رسمیاتو تر پایه دې په خپلو دفترونو کې حاضر وي او په ولسوالۍ کې دې له نورو امارتي اداراتو سره ښه همغږي ولري.
دغه راز د یادو محاکمو د حقوقو مدیریتونو له اجراآتو هم لیدنه وشوه او د اجراآتو د ښهوالي په موخه ورته لازمې لارښوونې وشوې.
د لیدنې پر مهال د محاکمو او حقوقو مدیریتونو لخوا د ځینو ستونزو د حل وړاندیز وشو او د مرافعه محکمې رئيس د ستونزو د حل په موخه ورته لازمې لارښوونې وکړې.
