د سترې محکمې د قضائي تفتيش عمومي رياست د ۱۴۴۷هـ ق کال د درېيمې ربعې لنډ راپور

د سترې محکمې قضائي تفتيش عمومي رياست د ۱۴۴۷هـ ق کال په درېيمه ربعه کې لاندې عمده فعاليتونه ترسره کړي دي:
۱ـ د خوست، فراه، بلخ او لغمان ولایتونو د محاکمو اجراآت د قضائي مفتشینو لخوا وڅېړل شول او راپورونه یې د راتلونکو هدایاتو لپاره د سترې محکمې عالي مقام ته ولېږل شول.
۲ـ د قضائي تفتیش عمومي ریاست له اساسي دندو څخه د سترې محکمې عالي شورا د مصوباتو، مقرراتو، لوایحو او طرزالعملونو دوامداره نظارت دی، چې د مفتشینو له خوا په دې ربعه کې یاد نظارت ترسره شوی دی.
۳ـ ربعوار او کلني راپورونه، چې د ولایتونو له محاکمو څخه راټول شوي؛ د قضائي مفتشینو له‌خوا د عادي څېړنو پر مهال وڅېړل شول، تفاوتونه او علتونه يې تشخیص او اړوندو مسؤولینو ته لازمې لارښوونې وشوې.
۴ـ په دې ربعه کې قضائي پلټونکو د محاکمو د عادي څېړنو پر مهال یو شمېر قضائي، اداري او خدمتي مسؤولینو ته لازمې لارښوونې وکړې؛ تر څو پر اسلامي امارت او محاکمو د خلکو باور لا زیات شي، مسؤولینو ته جدي او لازم هدایتونه وشول، تر څو د خلکو شکایتونو ته د اصولو سره سم او پر وخت رسېدنه وکړي.
۵ـ په دې ربعه کې (۱۹۵) اقتضائي عريضې ثبت شوې؛ له دې جملې څخه (۱۳۰) عريضې څېړل شوې او پاتې تر اجراآتو لاندې دي.
۶ـ د ولایتونو محاکمو او محبسونو د عادي اجراآتو د څېړنې پر مهال د خوست، بلخ، لغمان او فراه ولایتونو د زندانونو څېړنه شوې، د محبوسینو نظرونه او غوښتنې ثبت، ورته د رسېدنې په موخه د مرافعه او ښاري ابتدائیه محاکمو او نورو اړوندو مراجعو سره شریک شول.