د پکتیا ولایت مرافعه محکمې د مسؤولينو په هڅو د دوو کورنیو ترمنځ دښمني چې (۲۵) کاله مخکې رامنځته شوې وه په دوستۍ بدله شوه
د پکتیا ولایت د مرافعه محکمې عمومي رئيس محترم مفتي عبیدالله (خالد) او د احمدآباد ولسوالۍ د ابتدائیه محکمې رئیس مولوي عبدالرحمن (ذاهد) په ډېرو هڅو او نېکو سپارښتنو په ۳ /۶ /۱۴۴۶ هـ ق نېټه د دووکورنیو ترمنځ د قتل پر سر دښمني چې (۲۵) کاله مخکې رامنځته شوې وه حل او فصل شوه.
د قتل یاده موضوع د احمدآباد ولسوالۍ ابتدائیه محکمې ته تر راجع کېدو وروسته په پوره غور او دقت وڅېړل شوه؛ د مرافعه محکمې رئيس او مسؤولينو د قضيې دواړه لوري سولې ته وهڅول، چې په پايله کې د مقتول کورنۍ قاتل ته بخښنه وکړه او ترمنځ یې (۲۵) کلنه دښمني رسماً پای ته ورسېده؛ د احمدآباد ولسوالۍ ابتدائیه محکمې په دې اړه قضائي قرار صادر کړ.
په همدې موخه جوړه شوې غونډه د دعا په ويلو پای ته ورسېده.
