د فاریاب ولایت د نظامي محکمې د قوماندانۍ لپاره د نوي ټاکل شوي قوماندان د معرفت غونډه وشوه

m_admin
سه‌شنبه ۱۴۰۳/۶/۱۳ - ۱۵:۴۱
د فاریاب ولایت د نظامي محکمې د قوماندانۍ لپاره د نوي ټاکل شوي قوماندان د معرفت غونډه وشوه

 د قضائيه قوې د محاکمو امنيتي او اجرائيوي چارو عمومي ریاست د نظامي محاکمو د امنیتي او اجرائیوي قطعاتو عمومي قوماندانۍ اړوند د فاریاب ولایت د نظامي محکمې د څانګې په انګړ کې نن د سه شنبې ورځ ( ۳۰/ ۲/ ۱۴۴۶ هـ ق) نېټه د يوې غونډې په ترڅ کې د یادې څانګې قوماندانۍ لپاره نوی ټاکل شوی قوماندان مولوي محب الله اړوند مسؤولینو او منسوبینو ته ور وپېژندل شو او رسماً یې خپله دنده پيل کړه.
په دې غونډه کې د نظامي محاکمو امنیتي او اجرائیوي قطعاتو عمومي قوماندان حافظ حکمت الله (آغا ذهین)، د پېژند عمومي مدیر مولوي نور محمد (قتیبه)، د فاریاب د نظامي محکمې د څانګې رئیس مولوي عبدالعلي (انقیادي)، د یادې محکمې مفتي حکمت الله حکمت او نورو مسؤولینو او منسوبینو ګډون درلود.
یاده غونډه د قرآنکریم د مبارکو آیاتونو په تلاوت پیل شوه؛ ورپسې د قضائیه قوې د محاکمو امنیتي او اجرائیوي چارو عمومي ریاست اړوند د دعوت او ارشاد عمومي مدیریت مدرس مولوي عبدالله جان (عابد) وینا وکړه وویل، دا اسلامي نظام د الله تعالی له لوري لوی نعمت دی چې موږ ته راکول شوی؛ ټول مسؤولین او منسوبین د دغه نعمت د شکر په ادا کولو مکلف دي.
د غونډې په دوام د نظامي محاکمو امنیتي او اجرائیوي قطعاتو عمومي قوماندان پر اتفاق، اتحاد او ورورولۍ ټینګار وکړ وویل، ټول مؤمنان سره وروڼه دي، خپل منځي اتحاد او اتفاق وساتئ، ترڅو مو ستونزې بې له ځنډه حل او فصل شي او الهي مسؤولیت مو ادا شي.
غونډه د دعا په ویلو پای ته ورسېده.

تازه خبرونه

دوشنبه ۱۴۰۴/۲/۱ - ۱۲:۱۹
Background image

د کابل ښار د سندونو او وثیقو د ثبت شپږو آمریتونو په دوو اونيو کې (۱۳۶۶) بېلابېلې وثیقې اجرا کړې دي

د کابل ښار د سندونو او وثيقو د ثبت شپږو آمريتونو په دوو اونيو کې له ( ۱۵/ ۹/ ۱۴۴۶ هـ ق څخه تر ۱۵/ ۱۰/ ۱۴۴۶ هـ ق) نېټې پورې (۱۳۶۶) بېلابېلې وثيقې اجرا کړې دي؛ چې جزئيات يې په لاندې ډول. . .

دوشنبه ۱۴۰۴/۲/۱ - ۱۲:۱۷
Background image

د سترې محکمې د تدارکاتو آمريت خبرتيا

د افغانستان اسلامي امارت د سترې محکمې تدارکات پر شرایطو برابرو ټولو داوطلبانو ته بلنه ورکوي چې د ۱۴۰۴ هـ ش مالي کال د سترې محکمې د مرکزي ریاستونو لپاره د قند او چای په ګډون (۳۳) قلمه. . .

شنبه ۱۴۰۴/۱/۳۰ - ۱۷:۶
Background image

د سترې محکمې امنیتي او اجرائيوي چارو ریاست اړوند د تېرو فعالیتونو، لاسته راوړنو د ارزونې او د مسؤولینو ترمنځ د همغږۍ د تقویې غونډه وشوه

د سترې محکمې امنیتي او اجرائيوي چارو ریاست د رئیس محترم الحاج مولوي محمد عوض (سعید) په مشرۍ د روان ۱۴۴۶هـ ق کال د شوال المکرم د میاشتې په ۱۹مه نېټه، د نظامي محاکمو امنیتي او اجرائيوي. . .

بیا په خبرونو کی