د میدان وردګ ولايت د مرافعه محکمې رئيس د دايميرداد، نرخ او چک ولسواليو له ابتدائيه محاکمو ليدنه وکړه
د شوال المکرم مياشتې په ۱۴/ ۱۸/ ۱۹مه نېټه د میدان وردګ ولايت د مرافعه محکمې محترم رئيس مولوي عبدالکريم (حقاني)، د ثبت اسناد، وثايق او مخزن آمريت د امر مولوي محمد امين (اواب) او د تحريراتو امر عبدالحنان (ابواحمد) په ملتيا د ياد ولايت د دايميرداد، نرخ او چک ولسواليو له ابتدائيه محاکمو څخه لیدنه وکړه.
په دې ليدنه کې د مرافعه محکمې رئيس د یادو محاکمو له حقوقي، اداري او قضائي چارو څارنه وکړه.
د ليدنې په دوام د مرافعه محکمې رئيس د قضائي چارو د لا بهبود او ښه والي په موخه د يادو محاکمو قاضي صاحبانو او نورو قضائي غړو ته لازمې او مهمې سپارښتنې وکړې.
د یادونې وړ ده چې د مرافعه محکمې د رئیس په مشرۍ پلاوي له دې مخکې د سیدآباد او جغتو ولسوالیو له ابتدائیه محاکمو هم لیدنه کړې وه.