د کابل ولایت مرافعه محکمې د وثیقو د تصحېح کمېسیون په يوه مياشت کې د (۱۵۶) وثيقو د تصحېح قرارونه صادر کړي دي
د کابل ولايت مرافعه محکمې د وثيقو د تصحېح کمېسيون په یوه میاشت کې له ( ۱ /۳ /۱۴۴۷هـ ق څخه تر ۳۰ /۳ /۱۴۴۷هـ ق) نېټې پورې د (۱۵۶) بېلابېلو وثیقو د تصحېح قرارونه صادر کړي دي.
د یادونې وړ ده چې یاد کمېسیون د ټولو هغو وثیقو د تصحېح لپاره د سترې محکمې عالي مقام د هدایت په اساس جوړ شوی، چې مخکې د کابل ولایت په ټولو محاکمو کې ترتیب شوې، یادې وثیقې د ترتیب پر مهال په سمه توګه ډکې شوې نه وي او یا هم د وثیقو د ذی النفع شخص په نورو اسنادو کې د تغیراتو په راتګ سره د یاد شخص وثیقه هم تصحېح ته اړتیا ولري.
