د غزني ولايت مرافعه محکمې رئيس په مشرۍ د یاد ولايت د امارتي ادارو د مسؤولينو ترمنځ غونډه وشوه
د غزني ولایت مرافعه محکمې رئیس الحاج مفتي عزیزالله (حیدري) په مشرۍ؛ په ۱۴/ ۴/ ۱۴۴۷ هـ ق نېټه د یادې محکمې په مقر کې د ولایتي امارتي ادارو د مسؤولینو ترمنځ د همغږۍ غونډه وشوه.
په دې غونډه کې د غزني مرستیال والي، د نظامي محکمې رئیس، ښاري ابتدائیه محکمې، عدلیې، د فرامينو او احکامو د تعقیب او نظارت، کرنې او مالدارۍ، کور او ښار جوړونې، استخباراتو او امنيه قوماندانۍ رئیسانو او استازو ګډون درلود.
غونډه د تحریراتو آمر مولوي رحمت الله (منیب) لخوا د قرآنکريم د څو مبارکو آیاتونو په تلاوت پيل شوه؛ ورپسې د مرافعه محکمې رئیس ګډونوالو ته ښه راغلاست ووايه او د همغږۍ غونډې د ګټو په اړه يې خبرې وکړې وویل، د داسې غونډو په جوړېدو سره زموږ، ستاسو او مراجعينو ستونزې حل کېږي او ستونزو ته د رسېدو حللارې په کې موندل کېږي.
د غونډې په دوام ګډونوالو په خپل نوبت سره نظرونه وړاندې کړل، ورپسې د مرافعه محکمې رئيس د اړوند موضوعاتو په اړ د ناستې د ګډونوالو پوښتنې ځواب کړې.
غونډه د غزني زون نظامي محکمې رئيس محترم شيخ عبدالبر لخوا د دعاء په ویلو پای ته ورسېده.
