د سترې محکمې د حقوقو عمومي رئیس په مشرۍ د چارو د سمون او همغږۍ په موخه غونډه وشوه
د سترې محکمې د حقوقو عمومي رئیس الحاج مفتي محمد ابراهیم جان (ابوالحفاظ) په مشرۍ د چارو د ښه والي، فساد د مخنیوي او ښې همغږۍ رامنځته کولو په موخه په ۲۵/ ۴/ ۱۴۴۶هـ ق د ياد رياست په انګړ کې غونډه وشوه.
په دې غونډه کې چې د قرآنکریم د څو مبارکو آیاتونو په تلاوت پیل شوه؛ د کابل ولایت د حقوقو ریاست آمرینو او کارکوونکو ګډون درلود.
په غوڼده کې محترم مفتي ابوالحفاظ ګډونوالو ته وویل چې په کارونو کې له یو بل سره همغږي، د اداري فساد او وظیفوي غفلت مخنیوی هغه څه دي چې د اسلامي نظام له استحکام سره مرسته کوي.
ګډونوالو د دغه ډول غونډو جوړول ځکه ضروري او ګټور وبلل چې له يو بل سره په کې مشورې او کاري تجربي شریکېږي، دا هغه موارد دي چې دوی خپلو کارونو ته لا ښه متوجه کوي.
غونډه د دعا په ویلو پای ته ورسېده.
