د سترې محکمې محترم رئيس او قاضي القضات په شتون کې د قتل موضوع حل او فصل شوه
د کندهار ولايت ښاري ابتدائیه محکمې مسؤولينو په ډېرو هڅو؛ د قومي مشرانو او سپين ږيرو په منځګړیتوب، نن چهارشنبې ۹/ ۸/ ۱۴۴۷ هـ ق نېټه د قتل موضوع حل او فصل شوه.
په دې موخه جوړې شوې غونډه کې د سترې محکمې محترم رئيس او قاضي القضات شيخ عبدالحکيم (حقاني) صاحب؛ د سترې محکمې جنوب غرب زون قضائي مرستيال شيخ نورالله (منیر) صاحب، د کندهار ولايت د مرافعه محکمې رئيس شيخ محمد (محمدي)، د مرکزي دار الافتاء غړي شیخ عبدالخالق صاحب، د ښاري ابتدائیه محکمې رئيس مفتي حزب الله (ابراهيمي)، نورو مسؤولينو، قومي مشرانو او سپين ږیرو ګډون درلود.
یاده موضوع ابتدائیه محکمې ته تر راجع کېدو وروسته په غور او دقت وڅېړل شوه، دواړه طرفونه سولې ته وهڅول شول او دوی هم ومنله.
یاده موضوع کې چې څلور کسان په قتل رسېدلي وو؛ د دواړو طرفونو په خوښه او رضايت مصلحينو ته راجع شوه، د قاتل کورنۍ لخوا د مقتولینو وارثينو ته څه اندازه پیسې ورکړل شوې او موضوع يې د يوې غونډې په ترڅ کې حل او رسماً پای ته ورسېده.
