محترم مفتي امان الله (حقاني) د ننګرهار ولايت د مرافعه محکمې د مرستيال په توګه معرفي شو
محترم مفتي امان الله (حقاني) د ننګرهار ولايت د مرافعه محکمې د مرستيال، مولوي رحيم الله (حقاني) د مرافعه محکمې د تجارتي دېوان د رئيس او مولوي محمد ابراهيم د دعوت او ارشاد د آمر په توګه په ۱۴/ ۵/ ۱۴۴۶هـ ق نېټه د یوې غونډې په ترڅ کې د یادې محکمې قضائي غړو او اداري کارکوونکو ته ور وپېژندل شول.
په دې موخه جوړه شوې غونډه کې د مرافعه محکمې رئیس محترم مفتي عبدالشکور (رشاد اخندزاده) خبرې وکړې وويل، تغیر او تبدیل د اداري اصولو څخه یو اصل دی، نوموړي نويو ټاکل شوو مسؤولينو ته لازمې سپارښتنې وکړې.
د مرافعه محکمې رئيس زیاته کړه، عالیقدر امیرالمؤمنین (حفظهالله) ویلي چې د مسؤولیت په سپارلو او اخیستلو مه خفه کېږئ او کوښښ وکړئ چې د شریعت په چوکاټ کې ښه خدمت ترسره کړئ.
د غونډې په دوام نويو ټاکل شويو مسؤولينو ډاډ څرګند کړ چې خپلې چارې به د شریعت په چوکاټ کې په پوره ایماندارۍ سرته رسوو.
غونډه د شیخ ولي محمد (حقاني) لخوا په دعا پای ته ورسېده.
