د سترې محکمې د حقوقو عمومي رئيس پکتیا او پکتیکا ولایتونو ته سفر وکړ
د ١٤٤٥ هـ ق کال د ربيع الاول مياشتې په ٢٩ نېټه د حقوقو عمومي رئیس محترم مفتي محمد ابراهیم جان (ابوالحفاظ) د يوه پلاوي په ملتيا پکتیا او پکتیکا ولایتونو ته د سفر په ترڅ کې د مرافعه محاکمو له رئیسانو او د حقوقو له آمرینو سره لیدنه ترسره کړه.
په دې لیدنه کې د یادو ولایتونو د حقوقو برخې اړوند اداري څانګو پاتې خالي بستونو ته د وړ کسانو د موندلو او بیا ټاکلو لپاره پر لازمو لارو چارو بحث ترسره شو او په لا ښه همغږۍ او همکارۍ ټينګار وشو.
ليدنه په پاى کې د دعائیې په ویلو سره پاى ته ورسېده.
