د خوست ولایت د مرافعه محکمې رئیس د ياد ولایت له عمومي محبس څخه لیدنه وکړه
د خوست ولايت د مرافعه محکمې د رئیس محترم مولوي امين الله (منيب) په مشرۍ يوه پلاوي د یاد ولايت له عمومي محبس څخه ليدنه وکړه.
ياد پلاوى د خوست ولایت د مرافعه محکمې د تحریراتو له آمر امین الله (حنفي)، د دېوان جزا له رئيس، عضو محرر، د امنيت عامه دېوان سرپرست رئیس او د ښاري ابتدائیه محکمې د جزا او امنیت عامه دېوانونو رئیسانو څخه تشکيل شوى وو.
په یاده لیدنه کې د بندیانو ستونزې او شکايتونه واوریدل شول او د يادو ستونزو د حل ډاډ ورکړل شو.
د يادې ليدنې په پاى کې د خوست ولایت د مرافعې محکمې د رئیس له لورې د ياد عمومي محبس مدیر ته د هر راز همکارۍ او همغږۍ ډاډ ورکړل شو.
