د افغانستان اسلامي امارت سترې محکمې او اړوند محاکمو د هرات له زلزله ځپلو او هیواد ته له راستنېدونکو کډوالو سره (۱۷۰۴۵۰۱۹) افغانۍ مرسته وکړه
د افغانستان اسلامي امارت د سترې محکمې د رئیس او قاضي القضات محترم شیخ عبدالحکیم (حقاني) صاحب په هدایت او د سترې محکمې د مرستیالانو او رئیسانو په همکارۍ له هیوادوالو سره د همدردۍ او پر ولس د ترحم او شفقت په خاطر په هرات ولایت کې له زلزله ځپلو او له پاکستان څخه راستنېدونکو افغان کډوالو سره نغدي مرسته وشوه.
د یاد هدایت په اساس د افغانستان د درې ګونو محاکمو مسؤولینو او کارکوونکو (۱۷۰۴۵۰۱۹) اوولس میلیون، پنځه څلوېښت زره او نولس افغانۍ مرسته راټوله او د مرستې لپاره جوړ شوي مشخص بانکي حساب ته اضافه شوه.
