د کابل ښار د دويمې حوزې ابتدائيه محکمې سرپرست رئیس د امنيتي حوزو له مسؤولينو سره د همغږۍ غونډه وکړه
د روان ۱۴۴۵ هـ ق کال د جمادالأولی میاشتې په ۵مه نېټه د کابل ښار د دویمې حوزې ابتدائیه محکمې سرپرست عمومي رئیس محترم مفتي هدایت الله (رحماني) د جزا او امنیت عامه دېوانونو د محترمو رئیسانو په ملتیا د یاد زون اړوند د امنیتي حوزو له آمرینو او د کشف او جنائي له مدیرانو سره د دې محکمې د مقام په دفتر کې د همغږۍ غونډه ترسره کړه.
ياده غونډه د قرآنکریم د څو مبارکو آیتونو په تلاوت سره پیل شوه؛ ورپسې محترم مفتي رحماني د شته ستونزو او هغه مواردو چې دوسیو ته د رسېدنې پر مهال د ځنډ لامل کېږي، مظنونینو او د حقوقو د مراعاتولو په هکله د امنیتي حوزو له مسؤولینو سره تفصیلي خبرې وکړې او دوی ته یې په دې برخو کې لازمې لارښوونې وکړې.
د غونډې په دوام د امنیتي حوزو مسؤولینو د ابتدائیه محکمې د سرپرست رئیس لارښوونې به عملي او په اړوند مواردو کې به له محاکمو سره د اصولو مطابق پوره همکاري کوي.
غونډه د دعاء په ویلو پای ته ورسېده.
