د پکتيکا ولايت مرافعه محکمې نوي رئيس محترم مولوي محمود سید (مخلص) د معرفت غونډه وشوه

د پکتيکا ولايت مرافعه محکمې نوی رئيس محترم مولوي محمود سيد (مخلص)؛ په ۲۱/ ۱/ ۱۴۴۷هـ ق نېټه د يوې غونډې په ترڅ کې د یاد ولايت مرافعه، ښاري ابتدائیه او د ولسواليو ابتدائیه محاکمو قضائي غړو او اداري کارکوونکو ته ور وپېژندل شو.
په دې موخه جوړه شوې غونډه د مرافعه محکمې عامه امنيت دېوان رئیس مولوي عبدالله (عمري) لخوا د قرآنکریم د مبارکو آیاتونو په تلاوت پیل شوه؛ ورپسې د مرافعه محکمې جزا دېوان رئیس مولوي محمد (مختاري) نوي رئیس صاحب ته ښه راغلاست ووایه.
د غونډې په دوام د مرافعه محکمې نوي رئیس د قضاء اهمیت او عدالت په اړه خبرې وکړې، قضاتو ته په خطاب یې وویل، په فیصلو کې به د خواهشاتو تابعداري نه کوئ، اصولو ته پابند اوسئ، د خپل صلاحیت مطابق اجراآت کوئ او د ستونزې پر مهال مشوره کوئ.
د غونډې په وروستيو کې د مرافعه محکمې پخواني رئيس د یاد ولایت د قضائي غړو او اداري کارکوونکو څخه خوښي څرګنده کړه او ټولو قضائي او اداري کارکوونکو ته يې د نوي رئیس د اطاعت کولو په اړه ټینګار وکړ.
غونډه د مرافعه محکمې د پخواني رئیس لخوا د دعا په ویلو پای ته ورسېده.