د سترې محکمې د اجراآتو ارزونې او ظرفيت لوړونې رياست لخوا د سترې محکمې اداري کارکوونکو لپاره پنځه ورځنی روزنيز سيمينار جوړ شو
د اجراآتو ارزونې او ظرفیت لوړونې ریاست، د سترې محکمې محترم عالي مقام د هدایت په اساس، د روزنیزو سیمینارونو په دوام؛ د سترې محکمې د مرکزي ریاستونو اداري کارکوونکو د ظرفيت لوړونې په موخه د «اتمې دورې» پنځه ورځنی روزنیز سیمینار جوړ کړ.
په یاد روزنیز سیمينار کې چې د ۱۴۴۶هـ ق کال د ذوالحجة الحرام میاشتې په ۳مه نېټه پیل شو، د مسلکي استادانو لخوا د سترې محکمې مرکزي ریاستونو د درېیم، څلورم، پنځم او شپږمو بستونو (۲۵) کارکوونکو ته د اداري مراسلاتو، پلان جوړونې اساساتو، اجراآتو د ارزونې، اړيکو او راپور لیکنې په برخو کې روزنه ورکړل شوه.
د سیمینار په پای غونډه کې د اجراآتو ارزونې او ظرفیت لوړونې ریاست مسلکي استادانو په دغه روزنیز پروګرام کې د سترې محکمې د مرکزي ریاستونو له اړوند کارکوونکو، په پوره شوق او پابندۍ سیمینار کې د ګډون په پار مننه وکړه.
د یادونې وړ ده چې د روزنیزو سیمینارونو د اصولو سره سم، د پورته ذکر شوي سیمینار ټول ګډونوال د سیمینار په پیل او پای کې وارزول شول؛ ترڅو د سیمینار پایله ښکاره شي چې له نېکهمرغه ترسره شوي سیمینار مثبته پایله درلوده.
یاد روزنیز سیمینار په اختتامیه دعا پای ته ورسېد.
