د غزني د مرافعه محکمې سرپرست رئيس د یاد ولايت د قره باغ او ګيرو ولسواليو له ابتدائيه محاکمو څخه ليدنه وکړه
د غزني ولایت د مرافعه محکمې سرپرست رئیس محترم مولوي محمد مبین (الطاف) په ۱۶/ ۲/ ۱۴۴۶ هـ ق نېټه د یاد ولايت د قره باغ او ګيرو ولسواليو له ابتدائیه محاکمو څخه لیدنه وکړه.
په دې ليدنو کې د مرافعه محکمې رئيس د یادو ابتدائیه محاکمو له مسؤولينو سره په یو لړ مهمو موضوعاتو خبرې وکړې.
ورپسې په يادو ولسواليو کې د دوه پېچلو موضوعاتو په اړه د يادو ولسوالیو له قضائي غړيو سره ناسته وشوه، د دوسیو د ورقو دقیقه پلټنه وشوه او د هرې موضوع دواړو لوریو ته اصولي مرجع تعین او هغوی ته قناعت ورکړل شو.
د مرافعه محکمې رئيس په دې ليدنو کې د دوو مهمو او پيچلو موضوعاتو په اړه هر اړخيزه پلټنه وکړه او د يادو موضوعاتو د حل په موخه يې يو پلاوی تعين کړ او دواړو طرفينو ته قناعت ورکړل شو.
