د لوګر ولایت مرافعه محکمې رئيس په مشرۍ غونډه وشوه
د لوګر ولایت مرافعه محکمې رئیس الحاج شیخ محمد ګلاب (فاروقي) په مشرۍ، د مرافعه محکمې اړوند دېوانونو او د شپږو ولسوالیو د ابتدائیه محاکمو رئیسانو، د وثایقو او تحریراتو آمرینو په ګډون، په ۵/ ۱/ ۱۴۴۸هـ ق نېټه غونډه وشوه.
په دې غونډه کې د محاکمو د ورځنیو قضائي او اداري کارونو پر چټکتیا، د ولسوالیو ابتدائیه محاکمو مراسلاتو، بندیانو د چټک انتقال، د کاري احصائیوي راپورونو په خپل وخت رسېدنې سربېره له مراجعینو سره د نېک چلند او نورو موضوعاتو د حل، همغږۍ او فیصلو د اندراج د سمون په اړه بحث وشو.
ورپسې د مرافعه محکمې رئیس د ناستې له ګډونوالو سره ټاکلي موضوعات شریک کړل او هغوی د سترې محکمې د متحدالمآلونو او هدایاتو په رڼا کې یادو موضوعاتو ته د رسېدنې په اړه خپل نظرونه ورکړل.
د غونډې په وروستيو کې یادو موضوعاتو ته د عاجلې رسېدنې په اړه حاضرینو ته لازم هدایات وشول او هغوی هم په دې برخه کې د نه ستړې کېدونکو هڅو ډاډ ورکړ.
غونډه د دعاء په ویلو پای ته ورسېده.
