د زابل ولايت ښاري ابتدائیه محکمې مسؤولينو په هڅو، د قتل اړوند (۱۸) کلنه موضوع حل او فصل شوه
د زابل ولایت ښاري ابتدائیه محکمې اړوند جزا دېوان په هڅو؛ قومي مشرانو، سپینږیرو او علماء کرامو په منځګړیتوب، په ۶/ ۱۱/ ۱۴۴۷هـ ق نېټه، (۱۸) کاله مخکې رامنځته شوې موضوع چې يو کس په کې وژل شوی و؛ حل او فصل شوه.
یاده موضوع ابتدائیه محکمې ته تر راجع کېدو وروسته په غور او دقت وڅېړل شوه، طرفين سولې ته وهڅول شول او دوی هم ومنله.
دواړه طرفینو په خپله خوښه او رضا موضوع مصلحینو ته راجع او مصلحينو يې ترمنځ اصلاحي پرېکړه وکړه، دوی هم پرې قناعت وکړ او په دې سره يې (۱۸) کلنه دښمني حل او رسماً پای ته ورسېده.
