د زابل د مرافعه محکمې د عمومي رئيس په مشرۍ اداري غونډه وشوه
د روان ۱۴۴۵ هـ ق کال د رجب المرجب مياشتې په ۱۰مه نېټه د زابل ولایت د مرافعه محکمې د رئيس محترم مفتي عبدالجليل (سفيان) په مشرۍ، د ټولو دېوانونو او آمريتونو د مسؤولينو، د دېوانونو د غړيو او د ښاري محکمې د رئيس په ګډون اداري غونډه وشوه.
ياده غونډه د قرآنکريم د څو مبارکو آياتونو په تلاوت پيل شوه؛ ورپسې د مرافعه محکمې محترم رئيس د غونډې ګډونوالو ته د ښه راغلاست ترڅنګ په چارو کې د برياوو غوښتنه وکړه.
نوموړي د خپلو خبرو پر مهال وويل، د سترې محکمې د دعوت او ارشاد رياست د هدايت سره سم د غونډې د ګډونوالو په اتفاق سره د مرافعه محکمې د جزا دېوان رئيس مفتي عبدالودود (تائب) د دعوت او ارشاد د تدريسي کتاب د تدريس لپاره او د ښاري محکمې اړوند د امنيت عامه دېوان رئيس مولوي حاجي (اصغر) د همکار په حيث ګډونوالو ته ور معرفي کړل.
د یادې غونډې په دوام يو شمېر نور موضوعات غونډې ته وړاندې شول، تر څو د ذکر شويو موضوعاتو د حل لپاره د ګډونوالو نظرونه واخلي، ټولو ګډونوالو په خپل نوبت سره د وړاندې شویو موضوعاتو د حل په موخه خپل نظرونه وړاندې کړل.
