د سترې محکمې اداري کارکوونکو ته د کمپیوټر اساسي زده کړې یو میاشتنی روزنیز پروګرام پای ته ورسېد
د سترې محکمې د ظرفیت لوړونې ریاست د خپلو روزنیزو پروګرامونو په دوام، دا ځل د یوه میاشتني روزنیز پروګرام له لارې د دې ادارې (۲۴) نورو اداري کارکوونکو ته د کمپیوټر د اساسي زده کړو برخه کې روزنه ورکړه.
د ظرفیت لوړونې ریاست لخوا د کمپیوټر د اساسي زده کړې په دغه پروګرام کې چې د روان هجري قمري کال د رجب المرجب میاشتې په ۲۰مه نېټه پیل شو، د سترې محکمې ۲۴ اداري کارکوونکو ته په اساسي ډول د Microsoft Word مکمل پروګرام تدریس شو.
د دغه روزنیز پروګرام په پای غونډه کې چې نن چهارشنبې (۲۲/۸/۱۴۴۴ هـ ق) نېټه د ظرفیت لوړونې ریاست په درسي تالار کې جوړه شوې وه، د ظرفیت لوړونې رئیس محترم حافظ نصیراحمد (صیاد) صاحب تر وینا وروسته فارغینو ته تصدیق پاڼې ووېشل شوې.
یاد پروګرام د دعاء په ویلوسره پای ته ورسېد.
د یادونې وړ ده چې د سترې محکمې د ظرفیت لوړونې ریاست له تېر یو کال راهیسې د اتو روزنیزو پروګرامونو له طریقه د سترې محکمې او ابتدائیه محاکمو اړوند شاوخوا ۱۰۰ کارکوونکو ته د کمپیوټر برخه کې اساسي روزنه ورکړې ده.
