د سترې محکمې د تدارکاتو آمریت خبرتیا
د تدارکاتو د اصولو له مخې ټولو هېوادوالو ته خبر ورکول کېږي چې د افغانستان اسلامي امارت ستره محکمه په نظر کې لري د ۱۴۰۴هـ ش مالي کال لپاره د منتظر برادران تجارتي شرکت سره چې د جواز شمېره یې (۲۱۷۲۹) ده او مرکزي دفتر یې د کابل ولایت مرکز په اتمه ناحیه کارته نو کې موقعیت لري؛ د درې میلیون او دوه سوه زره(۳۲۰۰۰۰۰ ) افغانۍ په قېمت سره د بدخشان، تخار او دایکنډي ولایتونو د محاکمو لپاره د درې عراده موټرونو د تدارک قرارداد وکړي.
هر ډول حکمي او حقیقي شخصیتونه چې په دې اړه نیوکه لري؛ د تدارکاتو د اصولو له مخې کولا شي په لیکلي ډول د دلایلو په لرلو سره خپلې نیوکې د دغه اعلان د خپرېدو له نېټې څخه تر اوو (۷) تقویمي ورځو پورې د عامې روغتیا څلورلارې ته څېرمه د سترې محکمې د مالي او اداري چارو عمومي ریاست اړوند د تدارکاتو آمریت ته وړاندې کړي.
دا خبرتیا د قرارداد د تړلو په معنی نه ده، د پورته ذکر شوې نېټې تر پوره کېدو او نورو قانوني مرحلو تر سرته رسولو پورې د قرارداد عقد نه تړل کېږي.
