د کابل ولایت مرافعه محکمې د وثیقو د تصحېح کمېسیون په يوه مياشت کې د (۶۰) وثيقو د تصحيح قرارونه صادر کړي دي
د کابل ولايت مرافعه محکمې وثيقو د تصحېح کمېسيون په یوه میاشت کې (له ۱ /۵ /۱۴۴۷ څخه تر ۳۰ /۵ /۱۴۴۷ هـ ق نېټې) پورې د (۶۰) بېلابېلو وثیقو د تصحېح قرارونه صادر کړي دي.
د یادونې وړ ده چې یاد کمېسیون د ټولو هغو وثیقو د تصحيح لپاره د سترې محکمې عالي مقام د هدایت په اساس جوړ شوی؛ چې مخکې د کابل ولایت په ټولو محاکمو کې ترتیب شوې، یادې وثیقې د ترتیب پر مهال په سمه توګه ډکې شوې نه وې او یا هم د وثیقو د ذی النفع شخص په نورو اسنادو کې د تغیراتو په راتګ سره د یاد شخص وثیقه هم تصحیح ته اړتیا ولري.
