په ننګرهار ولايت کې دوو مجرمينو ته تعزیري سزا ورکړل شوه
د ننګرهار ولايت ده بالا ولسوالۍ ابتدائیه محکمې د پرېکړې له مخې د يوې ښځې په ګډون دوو کسانو ته د نامشروع اړيکو په جرم؛ په ۲۹/ ۱۰/ ۱۴۴۶ هـ ق نېټه تعزیري سزا ورکړل شوه.
ابتدائیه محکمې یاد مجرمين پر ۳۹ـ ۳۹ دُرو تعزیري سزا محکوم کړي وو؛ چې یاده پرېکړه د سترې محکمې د عالي مقام له تائيد وروسته تطبيق شوه.
په دې موخه جوړې شوې غونډه کې د یادې محکمې رئيس مفتي عبدالفتاح، مفتي او کارکوونکو، د یادې ولسوالۍ مرستيال، د استخباراتو مدیر، امنیه قوماندان او د اړوند ولسوالۍ کارکوونکو او مراجعینو ګډون درلود.
