د هلمند ولايت مرافعه محکمې رئيس په مشرۍ اداري غونډه وشوه
د هلمند ولایت مرافعه محکمې عمومي رئیس محترم الحاج مولوي محمد (محمدي) په مشرۍ؛ د دېوانونو رئیسانو، مفتیانو، محررینو، تحریراتو آمر او د امنیتي قطعې د مسؤولينو په ګډون په ۲۴/ ۱۰/ ۱۴۴۶ هـ ق نېټه اداري غونډه وشوه.
غونډه د قرانکریم د څو مبارکو آیاتونو په تلاوت پیل شوه؛ ورپسې محترم مولوي محمدي د غونډې اجنډا بیان کړه او د ځينو موضوعاتو چې له ابتدائیه محکمې څخه راغلي وو، په اړه یې بحث او خبرې وکړې.
د غونډې په دوام له ابتدائیه محکمې څخه راغلو موضوعاتو ته حللارې پيدا او اړونده محکمې ته واستول شوې.
دغه راز د مرافعه محکمې رئيس لخوا د جنوب لوېدیځ زون څخه د راغليو موضوعاتو د تطبیق په اړه لازم هدایات ورکړل شول او راتلونکې اداري غونډې لپاره ځينې موضوعات علماء کرامو ته ورکړل شول، چې ځوابونه يې په تحريري بڼه راوړي.
یاده غونډه د دعا په ویلو پای ته ورسېده.
