د سترې محکمې د عامه امنیت دېوان رئیس غزني ولایت ته سفر وکړ
د سترې محکمې د عامه امنیت دېوان رئیس محترم مفتي عبدالرحمن (عزیزي) چې د یاد دېوان مستشار مفتي قدرت الله (سیرت) یې ملتیا کوله، د مرکزي تمیز عالي ریاست په هدایت د روان ۱۴۴۶ هـ ق کال د شعبان المعظم میاشتې په ۱۳مه نېټه، د یوې دوسیې په اړه د وروستیو څېړنو د بشپړولو په موخه غزني ولایت ته سفر وکړ.
د عامه امنیت دېوان رئیس د دغه سفر پر مهال د غزني ولایت د مرافعه محکمې له رئیس، د یادې محکمې له مرستیال او د عامه امنیت دېوان له قضائي غړو سره لیدنه کې د یادې دوسیې اړوند تفصیلي خبرې وکړي.
دغه راز محترم مفتي عبدالرحمن (عزیزي) د یادې دوسیې له متهم زنداني سره وکتل، له نوموړي یې د پېښې اړوند لازم تحقیقات وکړل.
د سترې محکمې یاد پلاوي د دغه سفر پر مهال راټول کړي معلومات او څېړنې د سترې محکمې له محترم عالي مقام سره شریک کړل.
