محترم مولوي محمد اکبر (احمدي) د کابل ولايت مرافعه محکمې تحريراتو ریاست د نوي رئيس په توګه معرفي شو
د کابل ولايت مرافعه محکمې اړوند د تحريراتو ریاست نوی رئيس محترم مولوي محمد اکبر (احمدي) د یادې محکمې د عمومي رئيس محترم مفتي ذبیح الله (ساجد) لخوا په ۲۶/ ۷/ ۱۴۴۶ هـ ق نېټه د یوې غونډې په ترڅ کې اداري کارکوونکو ته ور معرفي شو.
په دې موخه جوړه شوې غونډه کې د مرافعه محکمې مرستیال محترم مفتي محمد مبين (الطاف) او د یاد ریاست ټولو اداري کارکوونکو ګډون درلود.
غونډه د قرآن کريم د څو مبارکو آياتونو په تلاوت پيل شوه؛ ورپسې د مرافعه محکمې عمومي رئيس نوي معرفي شوي رئيس ته د مبارکۍ ترڅنګ هغه ته د کاري مسؤوليتونو، د کارونو د کميت او د ياد رياست اړوند کاري اجراآتو په تړاو معلومات او ځينې اړينې لارښوونې يې ورته وکړې.
د غونډې په دوام د مرافعه محکمې مرستيال د تحریراتو نوي رئیس ته د مبارکۍ ترڅنګ د الله تعالی له دربار څخه د توفيق غوښتنه وکړه.
غونډه د دعا په ویلو پای ته ورسېده.
