د پکتيکا ولايت د مرافعه محکمې مسؤولينو په هڅو د دوو کورنيو ترمنځ د قتل موضوع حل شوه

د مرافعه محکمې د رئيس محترم مولوي محبوب الرحمن (نقشبندي) په ډېرو هڅو او د قومي مشرانو په منځګړيتوب په ۲۹/ ۳/ ۱۴۴۶ هـ ق نېټه د پکتیکا ولایت د یوسف خېلو ولسوالۍ په مست کلي کې د قتل موضوع حل او فصل شوه.
په دې موخه غونډه چې په یوسف خېلو ولسوالي کې جوړه شوې وه؛ د مرافعه محکمې عمومي رئیس محترم مولوي محبوب الرحمن (نقشبندي)، امنیه قوماندان مولوي محمد شریف (حلیمي)، د مرافعه محکمې د جزا دېوان رئیس مولوي محمد (مختاري)، د مدني او عامه حقوقو دېوان رئيس مولوي عبدالله (فیاض)، د تحریراتو آمر احسان الله (احمدي)، يو شمېر علماء کرامو او قومي مشرانو ګډون کړی و.
د غونډې په پيل کې د مرافعه محکمې رئیس په مشرۍ تللي پلاوي د مقتول وارثينو ته دعاء وکړه، ورپسې د مرافعه محکمې رئیس او امنیه قوماندان خبرې وکړې. 
د مرافعه محکمې رئيس د بخښنې د ګټو او ثواب په اړه بیان وکړ، د یادې غونډې له علماء کرامو او  قومي مشرانو څخه یې مننه وکړه او د يووالي اړوند یې خلکو ته نېکې توصیې وکړې.
د غونډې په پای کې د مقتول پلار او وارثينو د قاتل کورنۍ ته بخښنه وکړه او د محاکمو له هڅو یې خوښي څرګنده کړه.
 غونډه د مرافعه محکمې د رئيس په دعاء پای ته ورسېده.