د سترې محکمې د جزا دېوان عمومي رئیس کاپیسا ولایت ته سفر وکړ

د روان ۱۴۴۵ هـ ق کال د ربیع الثاني میاشتې په ۲۵مه نېټه د سترې محکمې د جزا دېوان عمومي رئیس محترم مفتي عتیق الله (دروېش) د یوه پلاوي په مشرۍ چې په ترکیب کې یې د یاد دېوان مفتي صاحبان محترم مفتي عبدالحی او مفتي سعيد احمد (مزمل) شامل وو، د قتل د قضیې د څېړنې په موخه کاپیسا ولایت ته سفر وکړ.
د سترې محکمې د جزا دېوان عمومي رئیس محترم مفتي عتیق الله (دروېش) او ورسره مل پلاوي د دغه سفر پر مهال له قاتل او د مقتول له وارثینو سره وکتل او له دوی یې د پېښې په اړه پوره تحقیق وکړ.
پر دې سربېره د جزا دېوان عمومي رئیس د کاپیسا ولایت د مرافعه محکمې د رئیس، د مرافعه محکمې د جزا دېوان له رئیس او یو شمېر نورو قضائي غړو سره وکتل او د جزائي موضاعتو د اصولي او شرعي حل او فصل په موخه یې ورته لازمې لارښوونې او سپارښتنې وکړې.