د هلمند ولایت د مرافعه محکمې د غونډو په تالار کې د مرافعه محکمې عمومي رئیس په مشرۍ اداري غونډه وشوه
سه شنبه ۲۴/۱۱/۱۴۴۴هـ ق نېټه د هلمند ولایت د مرافعه محکمې د ریاست په مقام کې د مرافعه محکمې عمومي رئیس مولوي محمدنبي حماس صاحب په مشرۍ اداري غونډه ترسره شوه، چې پکې د مرافعه محکمې د ټولو دېوانونو قضاتو، مفتیانو، محررینو، او د تحریراتو عمومي امر ګډون درلود.
یاده اداري غونډه چې د قران کریم د څو مبارکو ایتونو په تلاوت پیل شوه، ورپسې حماس مولوي صاحب د مجلس اجنډا په څو لنډو الفاظو کې بیان کړه، چې یوه استهداء د نهرسراج ولسوالۍ ابتدائیه محکمې اړوند او بله د مرافعه محکمې د دېوان مدني ریاست وه، چې پرې د مسؤلینو له لوري هر اړخیز بحث وشو.
همدا راز حماس مولوي صاحب وویل، چې د مراجعینو د وخت د ضیاع د مخنیوي لپاره د اصولو سره سم باید کړنې ترسره شي، او زیاته یي کړه چې راتلونکې وخت کې به د ابتدائیه محاکمو محررینو صاحبانو ته په مشترک ډول سمینارونه وړاندې کوو.
غونډه د دعائیه په ویلو سره پای ته ورسېده.
